電影「半斤八兩」插曲

可能因為今日天氣凍左,攪到我d傷好特別痛

又或依排睇得鹿鼎記多個人傻傻地

一個相識七年既好朋友

曾經一齊開心過過一段日子

係依段日子裡面我一直當佢係細佬咁看待

將我識既野毫無保留咁教佢

整車整電腦人生既經驗同我知既智識都會同佢講

甚至假日行街睇戲食飯都唔同佢計

但估唔到係依年多成日鬧交成日嘈

發覺大家既意見分歧開始越黎越大

可能因為大家一齊做野既關係

相見好同住難可能係真既

只要有一個人包容唔到對方就出現問題

就係因為我對佢有要求,所以佢有壓力

亦因為有壓力所以大家用詞有時過份火爆,另大家都唔開心

不過好多時我講完就算鬧完就算唔好放係心入面,

都係一樣去到邊做D乜都會遇佢,但係佢已經開始接受唔到我依套積極面對事物既做法,

開始避開我,咁無辦法啦,我為有少D搵佢,等佢做回佢自己.

就係咁慢慢越來越少溝通了.

但因為之前介紹左一班朋友佢識所以一兩個月都有機會食餐飯傾下計的.

從果日開始我好似輕左好多咁,從來無諗過咁樣對一個朋友

無做過D傷害佢既事,都會攪成咁…………

時間慢慢咁過,轉工機會又黎啦,我有機會轉工返舊公司做,

收到舊公司通知要去見老細,唔知點解潛意識到最後都叫佢一齊去.

但因為我舊公司有人對我有偏見,所以無請我,如果唔係我相信同佢一齊離開依間公司了的

就因為無請我,走唔到咁我一個人係依間公司繼續努力繼續做

點知 2 月 3 日發生交通意外,我差D無命,另我對事物既睇法有些改變左,

我以前成日話佢唔好成日拖住D野唔做,唔去到最後一日,唔比人追都唔決定,

唔好成日唔覆人電話,聽唔到睇返明知有人搵過都唔覆,

我當時話你終有日會後悔的,好多好多………….經過今次意外我更加認同我既講法.

就因為我既講法,所以更加唔希望有人係背後講我壞話,

你要明白你有既一切唔多唔少都因為我有,甚至你女朋友都因為我介紹班朋友你識先有的.

你唔係女友面前認為我係朋友都好,但都唔駛抵毀我,唔認同我地朋友關係無所謂.

但點解我出事當日,謝飛 搵你幫手,同你講我出左事叫你幫我通知我朋友家人,

你一個都無通知呢?依種處事手法另我地相識既人好失望,

你咁樣對一個曾經相識既人,見佢死都唔幫,真係好有問題.

記唔記得有次我鬧你就係因為你唔聽電話.

點解我咁執著依件事,係因為我以前攪到有一個人見唔到家人最後一面而好後悔.

所以你依刻要好好珍惜眼前人,如果唔係..........

唔怪得知一有女友就話係你唯一啦.

我都希望你地可一世一生,如果唔係一分手我保證你一定搵唔到女朋友.

仲有你放心,你同你女友講我地既關係只係會講下電腦,

咁我除左有電腦散件要賣外都唔會點煩你,因唔想再一次比人背後講我壞話.

其他食飯一切照舊,想黎就黎………..

以上我既說話千真萬確,唔怕當面對質,所以邊個睇到都無所謂

我終於明白蕭公子同以前大家新識既同事朋友點解唔信你點解唔幫你,點解無聯絡,但我又同佢地咁好朋友呢?

佢地有眼光一早知你係個冷血既人…